DÍA DAS BIBLIOTECAS 2025

    Unha data importante para nós como colectivo é o DÍA  DAS  BIBLIOTECAS que se celebra o 24 de outubro. Para conmemorala organizaremos un xantar de confraternidade para todos os sectores relacionados coa cultura, a lectura e a educación baixo o lema deste ano: "Contra a desinformación: bibliotecas" coa intención de destacar o papel fundamental que desempeñan todas as tipoloxías de bibliotecas na loita contra a desinformación.

   Esta décimo primeira xuntanza celebrarase o sábado día 25 de outubro no Restaurante Berso (Sober) a partir das 14:00 horas. Quen desexe asistir poderá adquirir a súa entrada nas Bibliotecas Públicas Municipais ou Escolares do Colectivo a un prezo de 40 €.

    Ademais este ano contaremos coa colaboración literaria de Moncha Prieto, autora soberina do libro Alma de barro. Relatos da Ribeira Sacra que nos agasallará cun texto para conmemorar o Día das Bibliotecas.

   A súa colaboración súmase á doutros autores da comarca de Lemos que participaron en pasadas edicións como Dani Viéitez e Iria Iglesias, Olga Novo, Manuel Veiga, Lois DIéguez, Ramón Sandoval, Xabier Quiroga, Alicia Fernández, Flora Enríquez, Noa Moreira, Margarita R. Otero, Antón Lopo ou o Colectivo Erre que Erre. Regueifa Rabuda.

Día das Escritoras en Onda Cero Monforte

   Manola Porto entrevista ao seu programa Más de uno Monforte de Onda Cero á Moncha Prieto, escritora á que lle dedicamos o Día das Escritoras.

   Podedes escoitar a súa entrevista no seguinte enlace a partir do minuto 51:00

DÍA DAS ESCRITORAS 2025

  

   O Día das Escritoras é unha iniciativa  organizada entre a Biblioteca Nacional de España,  a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas (asociación para a igualdade de mulleres e homes na Cultura) para reivindicar o labor e o legado das escritoras a través da historia.  

   Neste ano 2025, desde o Colectivo Lemos Le queremos conmemorar esta data arredor da escritora soberina Moncha Prieto.

   Para que a coñezades un pouco, compartimos a continuación a biografía que se publica na súa obra Alma de barro. Relatos da Ribeira Sacra:

    Moncha naceu en Gundivós (Sober) e viviu en Barcelona dende os quince anos até 1995, cando regresa definitivamente a Galicia.

   Foi secretaria do Centro Galego de Barcelona e colaborou con diversas asociacións e revistas literarias como Alborada ou Lúa Nova.  Participou nos libros colectivos Voz e Voto, de homenaxe a Celso Emilio Ferreiro, e Vivir en presente.

   De 1985 a 1995 dedicouse ao mundo da radio: puxo en antena o programa Galicia máis cerca e foi compoñente do magazine matinal Bonico en Radio Gramener. Neste eido potenciou o nacemento e presidiu ERGAC (Espazos Radiofónicos Galegos en Catalunya); foi correspondente de Radio Progreso de Miami, sección noticias; e participou en Radio Exterior da Radio Galega.

    No ámbito literario, conseguir varios premios de poesía, de relato e de escritura creativa. Alma de barro. Relatos da Ribeira Sacra é a súa primeira obra en Xerais.

   Agora que xa sabedes un pouco máis sobre ela, na seguinte presentación podedes ver todos os traballos realizados nas diferentes bibliotecas escolares:

FEIRA DO LIBRO - MONFORTE

 

 

 

A Feria do Libro de Monforte celebrase do 20 ao 23 de agosto de 2025, cun extenso programa que incluirá presentacións de libros, firmas de autores, espectáculos teatrais e de conta contos, recitais de poesía e actividades familiares. Ademais das casetas de librerías onde os visitantes poderán coñecer a numerosos escritores e adquirir as súas obras. 

 

PROGRAMA  COMPLETO  DE  ACTIVIDADES 

RECOMENDACIÓNS VERÁN 2025

 

 

DESCARGAR  EN  PDF

 

RECOMENDACIÓNS LECTORAS NADAL 2024

 

 

 

 DESCARGAR  EN  PDF

 

 

L∃EMOS, novo selo de Agrasar Editores

 A libraría Agrasar deste colectivo acaba de lanzar L∃EMOS, un novo selo editorial co que pretenden abrirse a diversas temáticas e estilos literarios ampliando o seu alcance como editores.

MOITA  SORTE, COMPAÑEIROS!!

 

 

 https://xornaldelemos.gal/cultura/66208-66208/