DÍA DAS BIBLIOTECAS 2024

  

   Para conmemorar o DÍA  DAS  BIBLIOTECAS  2024 organizaremos un xantar de confraternidade para todos os sectores relacionados coa cultura, a lectura e a educación coa intención de reivindicar a importancia do papel das Bibliotecas como difusoras de cultura, formadoras de lectores, lugar de encontro e centros de información e recursos.

Esta décima xuntanza celebrarase o sábado día 26 de outubro na Casa Rural A Salanova (Salcedo) a partir das 14:30 horas. Quen desexe asistir poderá recoller a súa entrada nas Bibliotecas Públicas Municipais de A Pobra de Brollón, Bóveda, Pantón, O Saviñao e Sober ou nas bibliotecas escolares do colectivo a un prezo de 20 €.

Ademais, xa que o Día das Letras Galegas 2025 estará adicado ás cantareiras e á tradición oral, este ano contaremos coa colaboración literaria do colectivo ERRE QUE ERRE. REGUEIFA RABUDA que é un colectivo que pretende manter viva a tradición oral das regueifas e do brindo na Pobra do Brollón.

A súa colaboración súmase á de outros autores da comarca de Lemos que participaron en pasadas edicións como Dani Viéitez e Iria Iglesias, Olga Novo, Manuel Veiga, Lois Diéguez, Ramón Sandoval, Xabier Quiroga, Alicia Fernández, Flora Enríquez, Noa Moreira, Margarita R. Otero ou Antón Lopo.