lunes, 29 de mayo de 2017

XORNADA ESCORNABÓTICA entre bibliotecas Lemos Le

    O Colectivo Lemos Le, organizou unha xornada escornabótica entre bibliotecas escolares da Comarca de Lemos.
    A Biblioteca do CEIP Plurilingüe Virxe do Carme, aportounos as propostas didácticas elaboradas dentro do proxecto piloto da biblioteca para animar aos demais centros a facer escornabóticas as súas bibliotecas.

sábado, 20 de mayo de 2017

26 PEQUENAS OLLADAS ÁS LETRAS DE LEMOS DO A AO Z

     Esta exposición está adicada a 26 escritores, escritoras ou colectivos relacionados coa literatura nas Terras de Lemos con representación de todos os Concellos que a forman.

    Foi elaborada por Xosé Martínez quen ademais foi o noso guía nesta visita.
 Cada unha destas olladas, está recollida nun dobre panel composto por unha síntese biográfica, bibliográfica, fotos e unha escolma dalgún dos seus textos.
 
    Reproducimos algúns dos paneis que fan referencia a autores que colaboraron con este colectivo.





   Moitas grazas a Xosé por esta visita guiada e por acordarse do Colectivo nos seus agradecementos

viernes, 19 de mayo de 2017

XORNADA ESCORNABÓTICA

   O luns día 29 de maio ás 18:00 horas, celebrarase unha xornada escornabótica para as persoas interesadas en asistir e coñecer máis sobre estes pequenos robots deseñados dentro dun proxecto de Hardware libre.

   Os escornabots están a formar parte das bibliotecas para ampliar as linguaxes presentes nelas, promover a linguaxe de programación, a expresión oral, a alfabetización múltiple, o razoamento lóxico, a aprendizaxe manipultaiva, o xogo, a investigación e o traballo colaborativo.

miércoles, 17 de mayo de 2017

26 pequenas olladas ás letras de Lemos do A ó Z

    O sábado día 20 de maio ás 17:45 horas, faremos unha visita guiada a Exposición Letras Galegas 2017 da man de Xosé Martínez.

   Ao este roteiro literario polas 26 pequenas olladas ás letras de Lemos do A ó Z, estades todos convidados!!

martes, 16 de mayo de 2017

AMPLIADO O PRAZO PARA O CERTAME MULLERES DE LEMOS

Este Colectivo, en reunión do día 15 de maio de 2017, acorda AMPLIAR o prazo de entrega de traballos para o IV Certame de Divulgación Mulleres de Lemos ata o 15 de setembro. 

Os demais puntos das bases do Certame mantéñense igual:

LUGAR DE PRESENTACIÓN: bibliotecas municipais ou escolares dos centros educativos da comarca de Lemos pertencente ao colectivo Lemos Le.

MODALIDADES:
    a. Banda deseñada para participantes de 12 a 18 anos, e
    b.
Traballo de divulgación en calquera xénero literario para participantes a partir de 18 anos.

EXTENSIÓN  DOS  TRABALLOS: extensión mínima e máxima de:
 
a. De 2 a 4 páxinas para Banda deseñada
 
b. De 10 a 25 páxinas para Traballo de divulgación, en tamaño de folio DIN A4 mecanografados por unha soa cara, a dobre espazo e tamaño de letra 12.

lunes, 8 de mayo de 2017

CONVOCATORIA DE REUNIÓN: 15/5/2017

LUGAR: IES Daviña Rey

HORA: 20:30

ORDE DO DÍA:

1) IV Certame Mulleres de Lemos: ampliación do prazo de presentación de traballos.


2) Exposición Letras Galegas 2017: 26 pequenas olladas ás letras de Lemos do A ao Z


3) Xornada de Formación entre bibliotecas: Escornabots

5) Rogos e preguntas

jueves, 4 de mayo de 2017

CONTACONTOS-ROTEIRO BALBINA LÓPEZ SOMOZA

Os alumnos de 5º de Primaria do CPI Dr. López Suárez de Escairón na súa visita á biblioteca municipal, ademais de achegarse á biografia de Balbina López puideron ver os traballos presentados ós certames de Banda Deseñada de María Castaña e Lola de Penelas que este mes decoran a biblioteca.
balbina con 5º1
Atentos á biografía de Balbina López e sobre todo a fotos da súa vida.
Á esquerda vense expostos os traballos de Banda Deseñada sobre María Castaña.

Para rematar a visita, fixeron un breve percorrido pola vila de Escairón para coñecer os sitios máis relevantes de Escairón para coñecer a Balbina López: as rúas Pardo Bazán e Doctor Portela nas que viviu, a Praza maior onde tiña a súa farmacia e mercaba as froitas e verduras no mercado, e as dúas farmacias que hai hoxe na vila.
balbina con 5º3
Vemos onde estaba a farmacia que rexentou Balbina López
antes de que coa reforma do edificio
para albergar a residencia se trasladara uns metros rúa arriba.

balbina con 5º2
Aquí vemos onde os campesiños vendían os seus excedentes
de produción durante a semana na praza Maior.